Ike Nurjanah Senandungkan Lagu Daerah Jambi

MOHON MAAF KEPADA TEMAN-TEMAN KU YANG BUKAN BERASAL DARI JAMBI

POSTINGAN KALI INI MERUPAKAN UNGKAPAN RASA BANGGA SAYA TERHADAP DAERAH KU (JAMBI GHITU LHOOOOO)

JADI KHUSUS UNTUK POSTINGAN INI SAYA MUNGGUNAKAN BAHASA IBU SAYA

(moga-moga aja ada yang ngerti ya!!!)

Awal Ceritonyo kayak gini, sebenarnyo aku tu dak tau kalu Ike Nurjanah tu bawak/nyanyiin lagu kito (red, Jambi). Jadi kalu malam aku biasonyo nonton Jambi TV (televisi lokal), lagi enak-enak nonton eh ruponyo keluar video klip Ike Nurjanah, pertamo ningok biaso bae, ruponyo pas dengarin lagunyo dio bawak lagu kito (red, Jambi) judul lagunyo "Orang Kayo Hitam", wah, ruponyo biso jugo yo mbak Ike nyanyiin lagu Jambi.

Jadi singkat cerito, dalam lubuk hati aku yang paling dalam (sampe dak ado orang yang biso ke dalamnyo) "aku pasti beli kaset ini" tapi sudah keleleng di pasar mutar-mutar cari kasetnyo masih jugo dak ketemu (yang asli apolagi yang bajakan). Dengan hasrat yang dak sampai tadi aku langsung baleklah kerumah aku. Hari beganti dengan hari yang jugo mau jadi minggu, ado adek sepupu aku dari Bulian (kab. Batanghari) datang kerumah. Kami ngota-ngotalah beduo, akhirnyo nyampelah otaan kami tadi ke lagu yang di nyanyiin samo Mbak Ike tadi. Emang dasar sudah jodoh, ruponyo adek sepupu aku tadi tau dionyo tentang album mbak Ike Nurjanah yang nyanyi lagu jambi. Katonyo "emang ado albumnyo bang", wah kebetulan nian, ruponyo pacar adek aku tu ado punyo kaset nyo. katonyo pacarnyo tu bapaknyo yang bawak dari Jakarta. Lho di Jakarta ado kok di Jambi payah nian nyari nyo.

Emang dasar aku sudah pengen ningok album jugo sekalian dengarin lagunyo, langsung bae aku suruh adek aku tu pinjamin kaset tu dengan pacarnyo. Nah sekarang aku sudah dengar lagu-lagu yang ado di dalam kaset tu. Mbak Ike Nurjanah dalam Album "Senandung Melayu Jambi" itu nyanyiin limo ekok lagu Jambi. Judul lagu yang di nyanyiin nyo antaro lain "Mak Inang, Orang kayo Hitam, Negeri Jambi, Ketalang Petang dan Rideak Rilea".

Sebenarnyo aku tu maulah masukin video klipnyo dalam blog aku ni, tapi berhubung di kaset tu ado larangan untuk publikasi atau perbanyak, jadi aku dak biso masukin semua video klipnyo. "Sekarang ni aku sedang berusaha mintak izin dengan Kantor Perwakilan Provinsi Jambi Yang Ado di Jakarta.

Sudah dulu yo!!

Cerito kito bakalan besambong kok, tunggu be sambungannyo!!

Kalu ado yang tau e-mail apo websitenyo kantor tadi biso kasih tau ke aku yo!!!

Lihat Tulisan Lainnya...!!